ရွိုင်ရယ်-ဒီ ပရိသတ်ကြီးရေ 
အကယ်ဒမီထက်ထက်မိုးဦးနဲ့ “ရွိုင်ရယ်-ဒီ နဲ့အတူ ကုသိုလ်ယူ” Live အစီအစဉ်ကနေ လက်ခံရရှိခဲ့တဲ့ အလှူများကို ရန်ကုန် နဲ့ မန္တလေးမြို့တွေမှာသွားရောက်လှူဒါန်းခဲ့ပြီးဖြစ်ပါတယ်။
ဒီတစ်ခါမှာတော့ Live အစီအစဉ်အတွင်းကနေရရှိခဲ့တဲ့အလှူများထဲမှ “အခြားပြည်နယ်နဲ့တိုင်းဒေသကြီးများ” မှာရှိတဲ့ COVID-19 ကာကွယ်ကုသတိုက်ဖျက်ရေးနေရာများသို့ သွားရောက်လှူဒါန်းပေးခဲ့ပုံများကို မျှဝေပေးမှာဖြစ်ပါတယ်။
မုံရွာမြို့ ၊ မော်လမြိုင်မြို့၊ မြစ်ကြီးနား ၊ ဟင်္သာတ ၊ ပုသိမ် ၊ ပြည် ၊ လွိုင်ကော် ၊ မြိတ် ၊ ထား၀ယ် ၊ မကွေးမြို့များ မှာရှိတဲ့ COVID-19 ကာကွယ်ကုသတိုက်ဖျက်ရေးနေရာသို့ ရွိုင်ရယ်-ဒီ ဘူးပေါင်း ၅၆,၉၆၄ ကို လှုဒါန်းခဲ့ပါတယ်။ ရွိုင်ရယ်-ဒီ ဒါဇင်ပေါင်း ၃,၀၀၀ ပါ၀င်လှူဒါန်းခဲ့တဲ့ “ဦးစိန်ထွန်းမိသားစု (ဆင်နှစ်ကောင် ရောင်း၀ယ်ရေး) ” မှ ကိုကျော်၀င်းထွန်း ကိုယ်တိုင်ပါ၀င်ပြီး ရွိုင်ရယ်-ဒီနဲ့အတူ မုံရွာမြို့ရှိ COVID-19 ကာကွယ်ကုသတိုက်ဖျက်ရေးဆေးရုံများ ၊ Quarantine Center များ၊ Covid Community စုစုပေါင်း (၁၉) နေရာ သို့ ရွိုင်ရယ်-ဒီ ဘူးပေါင်း (၃၆,၀၀၀) ကို အတူပါ၀င် လှူဒါန်းပေးခဲ့တဲ့အတွက်လည်း ကျေးဇူးအထူးတင်ရှိပါတယ်။အခုလို ရွိုင်ရယ်-ဒီနဲ့အတူ မြန်မာနိုင်ငံအနှံ့မှာရှိတဲ့ COVID-19 ကာကွယ်ကုသတိုက်ဖျက်ရေးနေရာတွေကို လှူဒါန်းမှုအစီအစဉ်မှာ တတပ်တအားပါဝင်လှူဒါန်းပေးခဲ့ကြတဲ့ အလှူရှင်ကြီးများအားလုံးကိုလည်း ရွိုင်ရယ်-ဒီမှ လှိုက်လှိုက်လှဲလှဲ ကျေးဇူးတင်ကြောင်းပြောရင်း လှူဒါန်းမှုကုသိုလ်ကို အားလုံးရဖို့အတွက် အလှူပုံရိပ်လေးများကိုလည်း ထပ်မံဖော်ပြပေးလိုက်ရပါတယ်နော်။
